បាត់ដំបង ថ្ងៃទី២៦ ខែមេសា ឆ្នាំ២០២៥ “ក្រុមហ៊ុន កម្ពុជា រី ផ្តល់នូវការគាំទ្រដល់ការអប់រំនៅជនបទ និងគំនិតផ្តួចផ្តើមបៃតងនៅជនបទ”

ក្រុមហ៊ុន កម្ពុជា រី មានមោទនភាពដោយបានអនុវត្តសកម្មភាពទទួលខុសត្រូវខាងសង្គម ក្រោមប្រធានបទ “ចូលរួមទាំងអស់គ្នា ដើម្បីការអប់រំរឹងមាំ និងសហគមបៃតង” នៅសាលាបឋមសិក្សាបឹងទឹម ដែលជាសាលាស្ថិតនៅតំបន់ជនបទមួយ នៅក្នុងភូមិបឹងទឹម ឃុំតាប៉ុន ស្រុកសង្កែ ខេត្តបាតដំបង។​

ក្នុងសកម្មភាពនេះ ក្រុមហ៊ុន កម្ពុជា រី បាន៖ (១) ប្រគល់សម្ភារៈសិក្សា រួមមានកាបូប សៀវភៅ ប៊ិច ខ្មៅដៃ និងបន្ទាត់ និងឯកសណ្ឋានសិស្ស ជូនសិស្សានុសិស្សចំនួន ៣០៥ នាក់, (២) ប្រគល់សៀវភៅអានចំនួន ២០០ ក្បាលសម្រាប់ដាក់ក្នុងបណ្ណាល័យរបស់សាលា (៣) ប្រគល់ឧបករណ៍ការិយាល័យដែលរួមមាន កុំព្យូទ័រចំនួន២គ្រឿង និងព្រីនធ័រចំនួន១គ្រឿង និងសម្ភារៈបង្រៀនមួយចំនួន ដើម្បីជួយកែលម្អដំណើរការគ្រប់គ្រងការងាររដ្ឋបាលរបស់សាលា និងគាំទ្រសកម្មភាពរបស់លោកគ្រូ អ្នកគ្រូ ក្នុងការបង្រៀន ប្រកបដោយគុណភាព និង (៤) ដាំដើមឈើក្នុងបរិវេណសាលា ដើម្បីលើកកម្ពស់បរិស្ថានបៃតងកាន់តែប្រសើរសម្រាប់សិស្សានុសិស្សនិងសហគម។

This meaningful initiative reflects Cambodia Re’s strong commitment to nurturing young Cambodian learners and fostering sustainable communities.