ពិធីចុះហត្ថលេខាជាផ្លូវការលើកិច្ចព្រមព្រៀងធានារ៉ាប់រងបន្ត រវាងក្រុមហ៊ុនធានារ៉ាប់រងបន្តកម្ពុជា “កម្ពុជា រី” និងក្រុមហ៊ុន ហួយវ័ន ឡាយហ្វ៍ អិនសួរេន

ព្រឹកថ្ងៃព្រហស្បតិ៍ ៤កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៩ ខែកញ្ញា ឆ្នាំ២០២២ ក្រុមហ៊ុនធានារ៉ាប់រងបន្តកម្ពុជា “កម្ពុជា រី” និងក្រុមហ៊ុន ហួយវ័ន ឡាយហ្វ៍ អិនសួរេន បានរៀបចំពិធីចុះហត្ថលេខាជាផ្លូវការលើ កិច្ចព្រមព្រៀងធានារ៉ាប់រងបន្ត សម្រាប់ផលិតផលធានារ៉ាប់រងអាយុជីវិត ហេភី ឡាយហ្វ៍ “HAPPY LIFE” និង​ ផលិតផលធានារ៉ាប់រងបន្ថែម លក្ខខណ្ឌធានារ៉ាប់រងបន្ថែមសម្រាប់គ្រោះថ្នាក់ចៃដន្យ ”ACCIDENTAL DEATH and DISABILITY RIDER”។ 

ពិធីចុះហត្ថលេខានេះធ្វើឡើងក្នុងគោលបំណងនៃភាពជាដៃគូអាជីវកម្ម ដែលជាការគាំទ្រទីផ្សារធានារ៉ាប់រងកម្ពុជាដើម្បីទទួលបានការការពារហិរញ្ញវត្ថុបន្ថែមទៀត៕